POEMA TRES BOLBORETAS

Comezamos o mes de xuño cun poema elaborado por parte dos nenos e nenas de catro anos. Trátase do poema "Tres bolboretas" de Xosé Neira Vilas que foi publicado en Cantarolas. 

Son todo uns artistas!!! 

Pinchade na imaxe para escoitar o poema na voz de María do Ceo

TEATRO DE SOMBRAS

Bos días nenas e nenos!

hoxe deixámosvos como proposta de actvididade crear un teatro de sombras, ben coas vosas propias mans ou usando os personaxes dos contos. 

Como sempre agardamos as vosas fotos!

SOLUCIÓNS: TÍTULOS DOS CONTOS

Boas tardes nenas e nenos!

seguro que todos vós adiviñástedes o título dos contos que propuxemos onte. De todas formas se algún non o conseguiu deixamos as respostas na seguinte presentación. 

Se premedes na cruz poderedes ver o conto ou escoitar a canción. 

ADIVIÑA O CONTO

Bos días nenos e nenas!

hoxe traemos a adaptación dunha proposta do CRA Boqueixón Neira-Vilas que consiste en adiviñar os títulos dos contos a través das imaxes. Deixamos tamén unha plantilla para que poidades escribir as solucións e nos vindeiros días colgaremos as respostas correctas dos distintos títulos. 

Deixade os vosos comentarios! 

ACTIVIDADES DA VIDA PRÁCTICA

Bos días nenas e nenos!

Para estes días traemos unha proposta de actividades un pouco diferente … agardamos que vós guste!

RICARDO CARBALLO CALERO

Este ano como sabedes o día das Letras Galegas está adicado a Ricardo Carballo Calero. Ademais das actividades postas en marcha dende o blog da biblioteca e o de dinamiazición da lingua  do centro queremos deixar o seguinte xogo en liña elaborado polo Seminario Galán para que poidades xogar e aprender cousas sobre o escritor homenaxeado este ano. 

Se queredes saber máis sobre o autor homenaxeado e facer máis actividades sobre a súa vida e obra entrade no blog de biblio e de dinamización da lingua. 

Como sempre podedes deixar os vosos comentarios sobre a actividade. 

RICARDO CARBALLO CALERO

DÍA DA FAMILIA

Hoxe é o Día Internacional da Familia, e para celebralo deixámosvos un conto fermosísimo que fala dos diferentes tipos de familias. Chámase Un puñado de botones de Carmen Parets Luque. 

Animádesvos a debuxar á vosa familia? Para facelo parecido ao conto podemos empregar botóns diferentes para as cabezas e ademais tedes mais abaixo a folla para facer as vosas creacións!

XOGOS COAS TESOIRAS E TRAZOS

Deixamos para estes días unha proposta para practicar coas tesoiras e os trazos. Estes aspectos son fundamentais para mellorar a coodinación dos nenos/as e as súas destrezas para iniciarse na escritura xa que fortalecemos os músculos das mans, melloramos a motricidade fina, a direccionalidade...

Deixade voar a vosa imaxinación e crearedes verdadeiras obras de arte.

AGARDAMOS AS VOSAS FOTOS!!

ADIVIÑA, ADIVIÑANZA

Bo día nenos e nenas!!!

Para estes días deixámosvos un xogo de adiviñas que esperamos que vos guste moito. Ademáis, todas están relacionadas co noso proxecto deste ano "Ríos, mares e océanos", do que xa sabemos moitas cousas. 

A ver cantas acertades!!! 

Deixade os vosos comenatarios no blog para saber cantas adiviñas acertástedes!!!

RECEITA DE MAIO

Preparamos o mandil e o gorro e comezamos unha nova receita!!

Nesta ocasión imos facer unhas galletas saudables. Aínda que só teñen catro ingredientes, podedes engandir algún máis segundo os vosos gustos. Aquí vos deixamos a receita e algunhas ideas para facelas diferentes!!

Esperamos que vos gusten tanto como a nós!!!E lembrade enviarnos as vosas creacións!!

ACTIVIDADES DO MES DE ABRIL

Abril rematou e hoxe traemos un vídeo no que podedes ver todas as actividades que fóstedes enviando ao longo de todo o mes.... 
ESPERAMOS NON ESQUENCERNOS DE NINGUÉN!!!

CONTOS

Esta semana traemos unha proposta de contos con algunhas actividades máis clásicas que as que viñamos facendo ata o momento. Neste caso o recurso foi aportado por aulas galegas. 

Os contos escollidos son: Corre corre cabaciña, Riciños de ouro e O Frautista de Hamelin que están pensados para o alumnado de 4 e 5 anos

Para os mais peques do cole deixamos Cocorico e A que sabe a lúa?

A MIRADA A TRAVÉS DOS NEN@S

Seguen chegando debuxos dos nosos nenos e nenas aos bombeiros de Santiago. Despois dos de Roque e Carla hoxe traemos os de Christofer de 3 anos, Jorge e Pablo de 4 anos.

ACCIÓNS DOS 3R PARA CELEBRAR O DÍA DA TERRA

As nenas e nenos do cole saben moi ben cales son as accións que necesitamos poñer en marcha todos para evitar así a contaminación e coidar o noso planeta. 

MIRADE QUE BEN O FAN!!