PROPOSTAS DE TRABALLO

 Na aula de catro anos seguimos traballando nos recunchos con distintas propostas relacionadas co outono e para traballar os trazos.

Aqui vos deixamos unha pequena mostra das realizadas durante a semana pasada. 

MANDALAS DE OUTONO

Coa chegada do outono e con el as castañas, follas, millo... na aula de catro anos dedicamos os recunchos de esta semana a traballar con estes elementos. Así fixemos seriacións con castañas e millo, traballamos as cantidades... e  creamos uns mandalas naturais usando estes elementos.

As composicións foron feitas polas nenas e nenos en pequeno grupo. Durante o proceso de creación tiveron que elexir o modelo de mandala, que elementos ían usar, como organizar o traballo… foi un proceso de creación moi bonito.
Esperamos que vos gusten os resultados.

POESÍA EN OUTONO

Este ano as nenas e nenos de catro anos queremos coñecer un pouco mais a fondo a poesía e que mellor forma que inagurando o outono con este fermoso poema de Ana María Fernández (Versos da tarde laranxa) que leva por título "Días de outono".

Nos días de outono

hai follas de cores

e ventos que escriben

polos corredores

maiúsculas verdes,

puntos amarelos,

carreiros de pingas,

letras de marmelos,

gráficos de ramas,

alfabetos de auga,

conversas dos regos.

Nos días de outono,

tranquilos e moitos,

hai cores nos campos,

nas nubes nos froitos.