Bo día familias!!
Rematamos este curso cheo de ilusión, alegría e aprendizaxes. Como non podería ser doutra maneira o último día celebramos unha festa e aquí vos deixamos algunhas fotos. Esperamos que vos gusten!!
Feliz verán e vémonos en setembro!!!😊
Remata o curso e con el os nosos talleres de cociña. Hoxe fixemos o último, e que mellor xeito de cerrar esta actividade que cunha riquísima brocheta de froitas de tempada.
Pinchade na imaxe para acceder ao vídeo.
Na aula de 4 anos seguimos celebrando os nosos aniversarios. Deixamos a fotos do aniversario de Darío N. e Daniela.
Hoxe na aula de 4 anos foi un día completiño, xa que ademais da festa dos maios e o troco co resto do colexio celebramos o aniversario de Noa e Uxía. Sopramos as velas, cantamos e merendamos un delicioso biscoito que troixeron ao cole para compartir con todos nós.
MOITOS PARABÉNS!!!
O pasado luns as nenas e nenos de infantil foron de excursión á Casa do Queixo de Grixalba en Sobrado dos Monxes. Foi unha xornada moi especial, na que ademais de compartir xogos cos seus compañeiros/as puideron aprender un montón de cousas sobre o proceso de transformación da lá, como se fai o queixo e darlle de comer aos animais da granxa.
Aquí vos deixamos un resumo do día.
No patio de infantil estamos de estrea... temos xoguetes e actividades pintadas no chan para poder xogar e divertirnos ainda máis.
Non collía ningún neno/a máis no areeiro... todos querían probar as carretillas e as pás!
Para celebrar o día do libro fixemos unha actividade conxuntamente cos nosos compañeiros e compañeiras de 1º de Educación Primaria. Cada neno/a trouxo o seu conto favorito e fixemos unha foto nun mural que elaboramos grazas a colaboración das familias, coa decoración dunhas plumas fermosísimas.
No seguinte enlace podedes ver a galería de fotos. Esperamos que vos gusten.
